Rusia publikoi një projektmarrëveshje mbi sigurinë, ku vendos kërkesa të forta ndaj Shteteve të Bashkuara dhe NATO-s. Shtëpia e Bardhë, thotë se i ka parë propozimet, e po bisedon me aleatët. Presidentja e Kosovës Vjosa Osmani kërkoi sot rritje të angazhimit amerikan dhe evropian kundër ndikimit rus. Fjalimi i saj në parlament u bojkotua nga një pjesë e opozitës, që e akuzon se ka dështuar të shërbejë si përfaqësuese e unitetit kombëtar. Partia Demokratike do të përfshihet këtë fundjavë nga të tjera zhvillime. Kryetari Lulzim Basha do të mbajë Kuvendin Kombëtar ndërsa ish-kryetari Sali Berisha, do të zhvillojnë një referendum, ku do të kërkojnë mendimin e anëtarësisë, mbi vendimin për shkarkimin e zotit Basha, nga një Kuvend i mbajtur nga kundërshtarët e tij.