Në Shqipëri, organizatat që mbrojnë të drejtat e grave e vajzave kanë ngritur shqetësimin për rritjen e rasteve dhunës në familje. Denoncimet dëshmojnë për një dhunë sistematike, e cila ka pësuar rritje gjatë pandemisë. Të dhënat vijnë ndërsa të enjten shënohet dita ndërkombëtare që synon dhënien fund të dhunës ndaj grave. Vazhdojnë hetimet në Bullgari rreth aksidentit që përfshiu një autobuz, ngjarje që shkaktoi 46 viktima, shtetas të Maqedonisë së Veriut. Mjekët ligjorë maqedonas kanë ngritur shqetësimin se nuk kanë qasje tek autopsia e viktimave. Në Gjermani, arrihet marrëveshja për formimin e një qeverie të re, që cila do t'i jepte fund epokës së kancelares Angela Merkel. Lajmi u njoftua nga socialdemokrati Olaf Scholz, që pritet të jetë pasuesi i zonjës Merkel.