Presidenti Joe Biden shkon në Luiziana për të diskutuar me autoritetet për rimëkëmbjen nga uragani Ida që ka lënë të paktën 46 viktima në disa shtete të bregut lindor. Shkon në 450 numri i refugjatëve afganë që po strehoen në Kosovë si pjesë e përpjekjeve ndërkombëtare për t’i shpëtuar ata nga dhuna në Afganistan. Grupi i katërt i refugjatëve mbërriti sot në aeroportin e Prishtinës. Gjatë 24 orëve të fundit, 26 persona kanë humbur jetën në Kosovë nga COVID-19. Shënohen 1 mijë e 448 raste të reja ditore të të prekurve nga virusi.