Grupi i parë i shtetasve afganë që mbërritën në Shqipëri në orët e para të mëngjesit të sotëm, u vendosën në hotele në zonën Durrësit. Autoritetet shqiptare po vazhdojnë përgatitjet për të pritur flukse të tjera qytetarësh afganë. Rifilluan sot evakuimet në aeroportin e Kabulit, pas sulmeve të përgjakshme që shkaktuan vdekjen e mbi 160 civilëve afganë si dhe 13 ushtarëve amerikanë. Presidenti Joe Biden u zotua se Shtetet e Bashkuara do të marrin hak për 13 ushtarët amerikanë të vrarë gjatë sulmeve në aeroportin e Kabulit.