Ditari - Durrës, prokuroria sekuestron konteinerët me mbetje të dyshuara të rrezikshme
Prokuroria e Durrësit sekuestron 102 konteinerë me rreth 2 mijë e 100 ton mbetje të dyshuara si pluhur helmues, që u kthyen sot në portin më të madh të Shqipërisë me anijen Moliva ardhur nga Italia. Në Kosovë, kryetari i parlamentit Glauk Konjufca kritikoi Bashkimin Evropian për qasje diskriminuese ndaj Kosovës. Ai tha se hartimi i një projekt-statuti për themelimin e Asociacionit të komunave me shumicë serbe nuk është kompetencë e bllokut. Opozita kritikoi qëndrimet e partisë në pushtet. Vetëm pak ditë nga zgjedhjet presidenciale, republikani Donald Trump mban në Nju Jork fjalimin përmbyllës të fushatës së tij, në një tubim që u shoqërua me fyerje dhe gjuhë të ashpër nga disa prej mbështetësve të tij, që morën fjalën. Nënpresidentja Harris i mban nesër në Uashington, argumentet përmbyllëse të fushatës.
