Presidenti i Serbisë Aleksandër Vuçiç ndodhet në Moskë ku mori pjesë në parakalimin me rastin e 75 vjetorit të përfundimit të Luftës së Dytë Botërore si dhe zhvilloi bisedime kokë më kokë me presidentin rus Vladimir Putin lidhur me procesin e normalizimit të marrëdhënieve me Kosovën. Ai tha se mori këshilla të vyera dhe mbështetje nga presidenti rus, në prag të takimit të së shtunës ndërmjet Kosovës dhe Serbisë në Shtëpinë e Bardhë.
