Në Prishtinë, lëvizja Vetëvendosje tha sot se refuzimi i Serbisë për të pranuar marrëveshjen për normalizimin e marrëdhënieve me Kosovën, është lajm i mirë që e shpëton Kosovën nga kompromiset e mëtejme.
Komentet e kësaj lëvizjeje pasuan vendimin e qeverisë serbe, që është pritur me zhgënjim edhe nga Brukseli por edhe nga qeveria e Kosovës, meqë nga rezultati i bisedimeve do të varet edhe rrugëtimi i Kosovës dhe Serbisë drejt integrimeve evropiane.
