Në një debat që u mbajt sot në Prishtinë nën organizimin e Klubit për Politikën e Jashtme, u tha se Opinioni i Gjykatës Ndërkombëtare të Drejtësisë mbi ligjshmërinë e pavarësisë së Kosovës e vë shtetin e ri në një pozitë më të favorshme ndërkombëtare dhe i krijon mundësi për forcimin e sovranitetit. Ekspertë të njohur vendas e ndërkombëtare thanë se institucionet e Kosovës duhet të shfrytëzojnë këtë opinion për shtimin e përpjekjeve diplomatike për rritjen e numrit të njohjeve dhe përballjen me çështjet e brendshme që janë thelbësore për sovranitetin e Kosovës.