Sekretarja amerikane e Arsimit, Betsy DeVos, është bërë anëtarja e dytë e kabinetit që jep dorëheqjen pas sulmit të së mërkurës në Kapitol.
Në letrën e dorëheqjes, sekretarja DeVos fajësoi presidentin Donald Trump për nxitjen e tensioneve që çuan në sulmin e dhunshëm në selinë e demokracisë së kombit. Ajo thotë se “nuk ka dyshim për ndikimin e retorikës suaj mbi situatën dhe kjo ishte pike kthese për mua”.
Lajmi për dorëheqjen e zonjës DeVos u dha fillimisht nga Wall Street Journal.
Sekretarja amerikane e Transportit, Elaine Chao, tha të enjten se do të japë dorëheqjen. Zonja Chao, gruaja e udhëheqësit të shumicës së senatit, Mitch McConnell, tha se dorëheqja e saj do të hynte në fuqi të hënën. Ajo tha se sulmi "më ka shqetësuar thellë në një mënyrë që unë thjesht nuk mund ta injoroj".
Lexoni edhe këtë SHBA: Jep dorëheqjen Sekretarja e Transportit, Elaine ChaoNë një letër lamtumire drejtuar Kongresit në fillim të kësaj jave, sekretarja DeVos u kërkoi ligjvënësve të refuzojnë politikat e mbështetura nga presidenti i zgjedhur Joe Biden dhe të mbrojnë politikat e administratës së presidentit Trump që zoti është zotuar t’i eliminojë.
Ngjarjet e së mërkurës në Kapitol nxitën një sërë dorëheqjesh nga administrata e presidentit Trump.