Në Kosovë, përfaqësues të lartë vendas e ndërkombëtarë thanë se institucionet duhet të bëjnë më shumë punë për të mbrojtur votën e qytetarit në zgjedhjet e parakohshme parlamentare që mbahen me tetë qershor dhe për të shmangur pasojat politike që shfaqen nga korrupsioni në zgjedhje. Thirrjet për veprime të rrepta gjatë procesit të zgjedhjeve janë shtuar për shkak të përvojës së zgjedhjeve parlamentare të vitit 2010 që u përshkuan nga parregullsi të shumta.
