Kriza mes Lindjes dhe Perëndimit lidhur me Ukrainën po ndiqet me kujdes në Evropë dhe në mbarë botën. Shtetet e Bashkuara dhe aleatët po përpiqen t’i bindin vende të ndryshme të botës, që t’i modifikojnë politikat e tyre. Korrespondenti i Zërit të Amerikës Al Pessin na dërgon këtë kronikë nga Kievi:
Zyrtarët amerikanë shkojnë në vende të ndryshme të botës për të siguruar mbështetje për një sërë çështjesh, nga lufta civile në Siri, tek planet e Kinës për ishujt e Paqësorit, programi bërthamor i Iranit dhe çështje të tjera.
Megjithatë, disa analistë besojnë se përgjigja e Perëndimit ndaj veprimeve të Rusisë në Ukrainë i ka minuar këto përpjekje.
Olexiy Haran është professor për politikat krahasuese në Universitetin “Kyiv-Mohyla Academy”.
"Si mund t’i bindësh shtetet me ambicie bërthamore si Irani, Koreja e Veriut, që të heqin dorë nga armët bërthamore dhe në këmbim të çfarë? Ata e shohin se në Ukrainë këto garanci nuk funksionuan.”
Profesor Haran thekson se Rusia ishte një nga garantuesit e sovranitetit të Ukrainës, dhe pastaj ajo aneksoi Krimenë dhe destabilizoi Ukrainën lindore.
"Ne presim një reagim të fuqishëm nga komuniteti ndërkombëtar, sepse veprimi i Moskës minon të gjithë sistemin e sigurisë që ekziston tani në Evropë.”
Ndërsa Russia ka përdorur forcën ushtarake në Ukrainë, Perëndimi i është përgjigjur me mjete më të buta: diplomaci dhe sanksione ekonomike. Analistja e politikave amerikane Xenia Dormandy në institutin Chatham House, në Londër, thotë se kjo është perceptuar në mbarë botën si një përgjigje e dobët.
"Ky është një mesazh tepër i rrezikshëm, sepse çdo situatë është e ndryshme. Kështu ndodh që njerëzit e kalojnë vijën e kuqe dhe për shkak të kësaj paqartësie mund të ndodhin konflikte.”
Analistja Dormandy thotë se përgjigja e butë nuk është edhe aq e dobët sa mund të duket.
"Në mënyrë absolute jo. Me kalimin e kohës, përgjigja do të ketë pasoja të rëndësishme tek ekonomia ruse.”
Disa prej këtyre pasojave janë duke u ndjerë. Presidenti rus Vladimir Putin ka filluar ta distancojë veten nga militantët në Ukrainën lindore, të paktën zyrtarisht.
Megjithatë, analistët janë të një mendimi se aneksimi i Krimesë ndoshta nuk mund të zhbëhet dhe vazhdon të mbetet rreziku që Rusia të pushtojë Ukrainën lindore.
Pra, ndonëse vendet e tjera janë duke u përpjekur të zbulojnë mësimet që dalin nga kriza në Ukrainë, mund të jetë ende herët për të kuptuar se cilat janë ato.
Zyrtarët amerikanë shkojnë në vende të ndryshme të botës për të siguruar mbështetje për një sërë çështjesh, nga lufta civile në Siri, tek planet e Kinës për ishujt e Paqësorit, programi bërthamor i Iranit dhe çështje të tjera.
Megjithatë, disa analistë besojnë se përgjigja e Perëndimit ndaj veprimeve të Rusisë në Ukrainë i ka minuar këto përpjekje.
Olexiy Haran është professor për politikat krahasuese në Universitetin “Kyiv-Mohyla Academy”.
"Si mund t’i bindësh shtetet me ambicie bërthamore si Irani, Koreja e Veriut, që të heqin dorë nga armët bërthamore dhe në këmbim të çfarë? Ata e shohin se në Ukrainë këto garanci nuk funksionuan.”
Profesor Haran thekson se Rusia ishte një nga garantuesit e sovranitetit të Ukrainës, dhe pastaj ajo aneksoi Krimenë dhe destabilizoi Ukrainën lindore.
"Ne presim një reagim të fuqishëm nga komuniteti ndërkombëtar, sepse veprimi i Moskës minon të gjithë sistemin e sigurisë që ekziston tani në Evropë.”
Ndërsa Russia ka përdorur forcën ushtarake në Ukrainë, Perëndimi i është përgjigjur me mjete më të buta: diplomaci dhe sanksione ekonomike. Analistja e politikave amerikane Xenia Dormandy në institutin Chatham House, në Londër, thotë se kjo është perceptuar në mbarë botën si një përgjigje e dobët.
"Ky është një mesazh tepër i rrezikshëm, sepse çdo situatë është e ndryshme. Kështu ndodh që njerëzit e kalojnë vijën e kuqe dhe për shkak të kësaj paqartësie mund të ndodhin konflikte.”
Analistja Dormandy thotë se përgjigja e butë nuk është edhe aq e dobët sa mund të duket.
"Në mënyrë absolute jo. Me kalimin e kohës, përgjigja do të ketë pasoja të rëndësishme tek ekonomia ruse.”
Disa prej këtyre pasojave janë duke u ndjerë. Presidenti rus Vladimir Putin ka filluar ta distancojë veten nga militantët në Ukrainën lindore, të paktën zyrtarisht.
Megjithatë, analistët janë të një mendimi se aneksimi i Krimesë ndoshta nuk mund të zhbëhet dhe vazhdon të mbetet rreziku që Rusia të pushtojë Ukrainën lindore.
Pra, ndonëse vendet e tjera janë duke u përpjekur të zbulojnë mësimet që dalin nga kriza në Ukrainë, mund të jetë ende herët për të kuptuar se cilat janë ato.