Kryetarja e Parlamentit të Shqipërisë, zonja Jozefina Topalli, së bashku me një delegacion të Asamblesë Nacionale të Francës vizituan sot në mesditë pikëkalimin e përbashkët kufitar të Muriqanit, mes Shqipërisë dhe Malit të Zi. Në qendër të kësaj vizite ishte siguria e kalimit kufitar dhe e dokumenteve, detyrime këto të Bashkimit Europian për liberalizimin e vizave me Shqipërinë. Sipas zonjës Topalli, muaji shtator ka qene një muaj intensiv në hapat e Shqipërisë drejt liberalizimit të vizave me Bashkimin Europian.