Në shtetin e Michiganit mendohet se jetojnë mbi 20 mijë shqiptarë nga Malësia e Hotit dhe e Grudës, të cilët po përkujtojnë këtë vit 100 vjetorin e Kryengritjes së Malësisë së Madhe, përpjekja për pavarësi që i parapriu ngritjes së flamurit në Vlorë më 1912. Veprimtari i komunitetit shqiptar të Miçiganit, Luigj Gjokaj, thotë se malësorët në këtë shtet përpiqen ta mbajnë gjallë te brezi më i ri traditën e përkujtimit të ngjarjeve të tilla të rëndësishme historike.