Në Shqipëri, opozita protestoi sot sërish në bulevardin kryesor të kryeqytetit për të kërkuar largimin e qeverisë së Kryeministrit Sali Berisha. Një numër shumë i madh forcash policie kishin rrethuar godinën e Kryeministrisë. Opozita bën fajtore qeverinë për vrasjen e katër manifestuesve gjatë përleshjeve të dhunshme të 21 janarit. Sipas të majtëve zgjedhjet e parakohshme do t’i jepnin fund krizës politike në vend.