Dy pako bombë shpërthyen në ambasadën sviceriane dhe atë kiliane në Romë, duke plagosur dy persona.
Incidenti i parë ndodhi në ambasadën sviceriane ku punonjësi që hapi pakon u plagos rëndë në të dyja duart. Shpërthimi i dytë ndodhi pas disa orësh në ambasadën e Kilit ku u plagos gjithashtu një person.
Agjencia e lajmeve ANSA njoftoi për një pako të dyshimtë edhe në ambasadën e Ukrainës në Romë.
Ministri i jashtëm italian Franco Fratini e quajti sulmin një akt dhune. Nuk është e qartë se kujt i drejtoheshin pakot. Punonjësi i ambasadës sviceriane u shtrua në spital ndërsa zjarrëfikësit dhe policia hyjnë në ambasadë për të hetuar shpërthimin.
Shpërthimet ndodhin ndërsa janë shtuar shqetësimet në Evropë rreth sulmeve të mundshme në sezonin e festave pas një sulmi vetvrasës në Stokholm dhe arrestimeve këtë javë të 12 terroristëve të dyshuar në Britani.