Arabia Saudite dënoi të hënën pesë veta me vdekje dhe tre të tjerë me gjithsej 24 vjet heqje lirie lidhur me vrasjen e gazetarit saudit, Jamal Khashoggi, në Stamboll i tetor të vitit të kaluar.
Zëvendës Prokurori Publik saudit, Shalaan al-Shalaan, duke lexuar vendimin tha se gjykata hodhi poshtë akuzat kundër tre nga 11 personat sa ishin në procesin gjyqësor, duke i shpallur ata të pafajshëm.
Lexoni edhe këtë Riad, të akuzuarit për çështjen Khashoggi dalin në gjyqJamal Khashoggi një kritik i Princit të Kurorës saudite, Mohammed bin Salman, sundimtari de fakto i mbretërisë, u pa për herë të fundit në konsullatën Saudite në Stamboll më 2 tetor të vitit 2018, ku ai kishte shkuar për të marrë disa dokumente para dasmës së tij. Trupi i tij u copëtua e u zhduk dhe eshtrat e tij nuk janë gjetur.
Agnes Callamard, e cila e hetoi këtë vrasje për OKB-në e quajti gjyqin një "tallje". Në një seri të gjatë mesazhesh në Twitter, ajo shtjellon të gjitha mangësitë e procesit.
h) The defendants had repeatedly stated they were obeying orders. The prosecutor had publicly stated that Saud al-Qahtani, Crown Prince personal adviser, had demanded the abduction of Jamal Khashoggi (on the grounds he was a threat to national security.) And yet, he remains free
— Agnes Callamard (@AgnesCallamard) December 23, 2019
Ajo shkruan se "përfundimisht, vrasësit janë fajtorë, të dënuar me vdekje. Porositësit jo vetëm që ecin të lirë, por as nuk janë prekur pothuajse fare nga hetimi dhe nga gjyqi. Ky është antonim i Drejtësisë. Është një tallje".
Vrasja shkaktoi një reagim botëror duke prishur imazhin e princit të kurorës. CIA dhe disa qeveri perëndimore kanë thënë se besojnë që princi Mohamed urdhëroi vrasjen, por zyrtarët sauditë thonë se ai nuk kishte të bënte me të. Njëmbëdhjetë të dyshuar sauditë u gjykuan në një proces të fshehtë në Riad.
Lexoni edhe këtë Drejtorja e CIA-s informon ligjvënësit për vrasjen e gazetarit sauditGjykata penale e Riadit, shqiptoi dënimin me vdekje për pesë persona emrat e të cilëve nuk janë bërë të ditur ende, "për kryerjen dhe pjesëmarrjen e drejtpërdrejtë në vrasje" e gazetarit.
Tre veta u dënuan me burg me kohëzgjatje prej 24 vjetësh gjithsej "për rolin e tyre në mbulimin e këtij krimi dhe shkeljen e ligjit".
Prokurori Shalaan shtoi se hetimet vërtetuan që nuk kishte "armiqësi paraprake" midis të dënuarve dhe gazetarit Khashoggi.