Në veriun e Mitrovicës sot është protestuar më kërkesën për lirimin e politikanit lokal serb Oliver Ivanoviç, ndërsa Beogradi ka kërkuar ndërhyrjen e Bashkimit Evropian. Oliver Ivanoviç, u arrestua të hënën nën dyshimet për përfshirje në krime luftë dhe krime të pasluftës në Kosovë. Përfaqësues të komunitetit serb thanë se arrestimi i tij mund të ketë prapavijë politike, meqë ai është njëri nga kandidatët për postin e kryetarit të komunës së veriut të Mitrovicës në zgjedhjet e 23 shkurtit.
