Një grup organizatash joqeveritare, të mbështetura edhe nga forca politike organizuan sot në Prizren një protestë për të kundërshtuar projektligjin mbi qendrën historike të këtij qyteti.
Kundërshtarët thonë se ky është një ligj politik që nxit ndarje etnike dhe fetare pasi parashikon më tepër fuqi juridike në administrimin e shumë pronave për Kishën Ortodokse në qendër të Prizrenit.
Autoritetet thonë ndërkohë se ky ligj përveç mbrojtjes së trashëgimisë kulturore të Kosovës, ndihmon edhe procesin e përmbylljes së pavarësisë së mbikëqyrur.