Ambasadori francez në Prishtinë, Jean Francois Fitou, tha se bisedimet Kosovë - Serbi u japin mundësi të dyja vendeve që të afrohen me strukturat e Bashkimit Evropian. Komentet e tij u bënë gjatë një debati mbi bisedimet që pritet të vazhdojnë të hënën më 21 nëntor, disa muaj pas ndërprerjes së tyre për shkak të zhvillimeve në veriun e Kosovës, të banuar me shumicë serbe.