Një pjesë e përfaqësuesve të komunitetit serb nuk pajtohen me vendosjen e shenjave të shtetësisë së Kosovës në fletëvotime
Më tetë qershor në Kosovë mbahen zgjedhjet e parakohshme parlamentare. Rreth 30 subjekte politike të të gjitha komuniteteve janë regjistruar për të marrë pjesë në këto zgjedhje, përfshirë edhe pesë nga radhët e komunitetit serb. Zëri Amerikës ka filluar një seri materialesh për mbulimin e kësaj fushate e cila aktualisht është ndërprerë nga një pjesë e përfaqësuesve të komunitetit serb të cilët nuk pajtohen me vendosjen e shenjave të shtetësisë së Kosovës në fletëvotime. Korrespondenti i VOA-s në Prishtinë, Besim Abazi, thotë në kronikën e tij se vendimi përfundimtar për pjesëmarrje apo jo në zgjedhje do të varet nga qëndrimi i Beogradit.
