Forcat irakiane të mbështetura nga SHBA kanë filluar një sulm në drejtim të qendrës së qytetit të Mosulit në përpjekje për të marrë pozicione që ende mbahen nga militantët e Shtetit Islamik.
Zyrtarët ushtarakë irakianë thanë të dielën se kanë arritur disa fshatra në perëndim të Mosulit në luftimet e fundit ndërsa lëvizin drejt pjesës së vjetër të qytetit.
Ofensiva ishte vonuar në ditët e fundit nga moti i keq.
Mijëra civilë largohen nga qyteti çdo ditë.
Që kur forcat irakiane filluan sulmin në anën perëndimore të qytetit më 19 shkurt, komandantët amerikanë dhe irakianë thonë se militantët e ISIS po bëjnë rezistencë të ashpër për të ruajtur kontrollin në zonën e fundit të rëndësishme urbane në Irak.
Trupat e koalicionit të udhëhequra së SHBA, kanë ndihmuar ushtrinë e Irakut në ofensivën në Mosul.
Forcat irakiane rimorën pjesën lindore të Mosulit në fillim të këtij viti, pas një ofensive që filloi më 17 tetor.
