Një Gjykatë në Mitrovicë, e drejtuar nga Misioni i Bashkimit Evropian për policinë dhe drejtësinë, vendosi të mos e ekstradojë Bajram Asllanin I cili u arrestua një ditë më parë nën dyshimin për përfshirje në veprimtari terroriste.
Zyrtarë të EULEX-it thanë se Bajram Asllani është liruar nga arresti, por do të paraqitet në polici dy herë në javë. Atij i është marrë pasaporta dhe nuk mund të largohet nga vendi, ndërkohë që prokurori i çështjes, nga Prokuroria Speciale, është duke e shqyrtuar këtë vendim.
Autoritetet nuk dhanë më shumë hollësi.
Bajram Asllani u ka thënë gazetarëve lokal në Mitovicë se është i gatshëm ta dëshmojë pafajësinë e tij.