Një mision shqiptaro-polak i arkeologjisë ka rënë në gjurmët e një vendbanimi ilir mbi 2300 vjeçar. Vendbanimi është zbuluar në zonën e Bushatit, rreth 10 kilometra larg Shkodrës. Arkeologët thonë se bëhet fjalë për një objekt arkeologjik, që zgjon interes nga pikëpamja shkencore, pasi gjendet shumë afër Shkodrës dhe Lezhës. Korrespondenti i Zërit të Amerikës, Pëllumb Sulo, përgatiti kronikën.
