Në Shqipëri ka më shumë se 70 media elektronike lokale që mbulojnë thuajse të gjithë territorin e vendit. Kjo, sipas përfaqësuesve të Klubit Shqiptar të Medias, i bën mjaft të rëndësishme raportimet e gazetarëve lokalë gjatë procesit zgjedhor. Ndërkohë, ata shprehen se risi e kësaj fushate është përdorimi i mediave sociale, gjë që mundëson një pasqyrim më të larmishëm si dhe pjesëmarrjen e publikut.
Për të nxitur një raportim profesional të procesit zgjedhor, Klubi Shqiptar i Medias, i mbështetur nga OSBE, zhvilloi sot në Shkodër një takim me gazetarë të mediave lokale në Veri të Shqipërisë.