Kosovë: Serbët betonojnë barrikadën në urën kryesore mbi Ibër

Në veriun e Kosovës, të banuar me shumicë serbe tensionet mbeten të larta. Serbët betonuan gjatë natës barrikadën e ngritur në urën kryesore mbi lumin Ibër, që shënon edhe vijën ndarëse të qytetit të Mitrovicës. Barrikadat po mbahen të ngritura në të gjitha rrugët që çojnë në vendkalimet kufitare ndërmjet Kosovës dhe Serbisë në shenjë kundërshtimi ndaj vendosjes së doganave të Kosovës në atë pjesë. Ato janë ringritur edhe në afërsi të vendkalimit kufitar në Jarinë, prej nga ishin larguar të premten nga forcat e NATO-s.