Autoritetet në Kosovë thanë sot se sistemi i drejtësisë është duke ju nënshtruar reformave të thella dhe gjithëpërfshirëse, të cilat janë të domosdoshme për plotësimin e kushteve për përfshirjen e Kosovës në proceset integruese evropiane. Ata i bënë këto komente gjatë fillimit të punimeve për ngritjen e pallatit të drejtësisë, i cili siç u tha, do të krijojë kushte për përmirësimin e sistemit të drejtësisë që është fusha më e kritikuar në Kosovën e pasluftës.