Në Kosovë autoritetet thanë se po bëjnë përpjekje për të përmbushur kriteret për përfshirje në procesin e liberalizimit të vizave dhe janë në pritje të fillimit të dialogut me Bashkimin Evropian për këtë çështje. Por, ata tërhoqën vërejtjen se ky proces mund të pësojë për shkak të qasjes së një pjese të vendeve të Bashkimit Evropian ndaj atyre vendeve të Ballkanit që rishtazi janë përfshirë në këtë proces. Kjo çështje pritet të jetë pjesë e takimeve që do të zhvillojnë në Prishtinë zyrtarë të lartë të Bashkimit Evropian.