Kosovë, i papranueshëm zhbllokimi i pjesshëm i rrugëve në veriun e vendit

Në Kosovë, autoritetet vendase dhe ato ndërkombëtare e cilësojnë të papranueshëm zhbllokimin e pjesshëm të rrugëve në veriun e banuar me shumicë serbe. Serbët në veri, thanë se do të lejojnë lëvizjen e lirë të trupave të NATO-s, por jo edhe të EULEX-it, ndërsa do të vazhdojnë të mbajnë barrikadat kundër vendosjes së autoriteteve të Prishtinës në atë zonë. KFOR-i dhe qeveria e Kosovës thonë se nuk do të pranojnë asnjë kushtëzim të lirisë së lëvizjes.