Policia e Misionit të Bashkimit Evropian për sundimin e ligjit, ndërmori sot një operacion kontrollesh në veriun e Kosovës të banuar me shumicë serbe.
Kontrollet u kryen në pronat e një afaristi serb, që dyshohet për përfshirje në krim të organizuar dhe trafikim të paligjshëm të mallrave dhe narkotikëve.
Operacioni nxiti protesta të banorëve lokalë serbë, të cilët e akuzojnë këtë mision dhe institucionet e Prishtinës për shtim të trysnisë ndaj serbëve në Kosovë.
