Në Kosovë, shtatë persona u nxorën sot para gjykatës nën akuzat për përfshirje në krim të organizuar dhe trafikim të paligjshëm të emigrantëve. Akuzat kanë të bëjnë me ngjarjet e tetorit të vitit 2009 kur 15 shqiptarë gjetën vdekjen në kufirin ndërmjet Serbisë dhe Hungarisë gjatë përpjekjeve për të hyrë në vendet e Bashkimit Evropian. Ndërkohë zyrtarët e EULEX-it janë përgjigjur për thirrjen e organizatës Human Rights Watch për emërimin e një prokurori të pavarur për të hetuar akuzat për përfshirjen e ish drejtuesve të lartë të Ushtrisë Çlirimtare në trafikimin e organeve njerëzore, të përfshira në raportin e zotit Dick Marty.