Komediani Jon Stewart po largohet si drejtuesi i programit satirik të lajmeve "The Daily Show" pas 16 vjetësh.
52-vjeçari Stewart e bëri njoftimin dje gjatë regjistrimit të programit të tij në rrjetin kabllor Comedy Central. Ai u mundua të mbante lotët ndërsa i tha audiences se "The Daily Show" kishte qënë " nderi i jetës së tij profesionale," por se "nuk meriton një drejtues sado pak të shpërqëndruar."
Stewart kohët e fundit mori leje për të drejtuar filmin e tij të parë "Rosewater," rreth një gazetari Iranian që është mbajtur në burg në Iran për 118 ditë.
Një komedia i mire-njohur kur mori drejtimin e programit "The Daily Show" në vitin 1999, pikëpamjet e Stewart për çështje bashkëkohore tërhoqën një generate të re amerikanësh që kishin filluar të ishin të painteresuar dhe të zhgënjyer nga politika dhe gazetaria.
Programi ka fituar disa çmime Emmy gjatë drejtimit të Jon Stewart dhe shumë nga komedianët e tjerë që kanë patur segmente si korrespondentë të tij kanë patur sukses të madh, përfshi Stephen Colbert, John Oliver dhe Larry Wilmore, secili prej tyre duke filluar programin e vet humoristik të lajmeve.