Maqedonisë iu dha statusi i kandidatit të Bashkimit Evropian në dhjetor të vitit 2005 dhe që atëherë nuk ka pasur ndonjë zhvillim të madh në drejtim të këtij synimi.
Ndërkohë, shqiptarët në vend sikur po e humbasin durimin pasi mendojnë se janë bërë peng i problemit të emrit të Maqedonisë, të kontestuar nga Greqia e cila e bllokon edhe përparimin e Maqedonisë drejt BE-së. Përveç vështirësive në shkallë vendi, edhe mes Bashkimit Demokratik për Integrim, pjesë e koalicionit në pushtet dhe partive shqiptare në opozitë ka një mungesë dialogu politik.
Për të folur për këto çështje kishim të ftuar në studion e "Ditarit", zv/kryeministren e Maqedonisë, Teuta Arifi që drejton edhe Sekretariatin për Integrime Evropiane.