Fotografitë satelitore të publikuara nga një grup monitorues, tregojnë se Kina pothuajse ka përfunduar një pistë avionësh të përshtatshme për përdorim ushtarak në njërin prej ishujve artificialë në Detin e Kinës Jugore.
Nisma për Transparencën Detare në Azi thotë se Kina vazhdon të shtrojë pistën 3 kilometra të gjatë, që sipas analistëve është e aftë të sigurojë ulje-ngritjen e çdo avioni të forcave ajrore kineze.
Sipas grupit monitorues, në ishull po ndërtohen edhe objekte të tjera ushtarake – duke përfshirë dy mjedise për uljen e helikopterëve, deri në 10 antena satelitore komunikimi, si dhe një kullë të mundshëm radari.
Kjo është njëra nga 7 pikat në Ishujt Spratly ku Kina po përpiqet të zgjerojë praninë e saj ushtarake.