Përfaqësues institucionesh vendase e ndërkombëtare thanë se plani i kryenegociatorit të OKB-së është udhërëfyesi për procesin e decentralizimit
Në Kosovë, përfaqësues institucionesh vendase e ndërkombëtare thanë se plani i kryenegociatorit të Kombeve të Bashkuara, Martti Ahtisaart, në bazë të të cilit është shpallur pavarësia e Kosovës, është udhërëfyesi për procesin e decentralizimit dhe mbrojtjes së pakicave kombëtare. Në këtë kuadër është ritheksuar rëndësia e vendimit të qeverisë së Kosovës për hapjen e një zyre administrative në veriun e Mitrovicës të banuar me shumicë serbe, vendim që kundërshtohet nga Beogradi dhe serbët në veri.
