Bashkëshorti i udhëheqëses së burgosur të opozitës ukrainase Yulia Timoshenko ka kërkuar strehim politik në Republikën Çeke.
Zonja Timoshenko u dënua me 7 vjet burgim për shpërdorim posti gjatë kohës kur ishte kryeministre në vitin 2009. Gjyqi i saj u kritikua nga perëndimi si proces me motive politike.
Zyrtarët çekë konfirmuan sot njoftimet se bashkëshorti i kryeministres, Oleksandr Timoshenko kërkoi muajin e kaluar strehim politik. Nuk ka njoftime publike mbi statusin e kërkesës së tij.