Ai Wei-wei ka ndihmuar në dizenjimin e projektit të stadiumit olimpik të famshëm të Pekinit “Foleja e Zogut”, por ai njihet gjithashtu si një kritik i hapur i qeverisë kineze. Piktori javën e kaluar tha se do të hapte një studio në Gjermani për të prezantuar punën e tij dhe për të shmangur siç tha ai situatën gjithnjë e më të vështirë në vendin e tij.
Në mesazhet e publikuara sot në faqen e internetit Twitter, të cilat duket se janë shkruajtur nga një prej ndihmësve të piktorit Ai, thuhet se policia bastisi studion e artistit në distriktin Cao-chang-dai të Pekinit, dhe ka marrë në pyetje tetë anëtarë të stafit të tij.