Në Shkodër u hap sot Panairi i Punës, i cili synon nxitjen e punësimit sidomos tek të rinjtë që përfundojnë studimet universitare për ekonomi. Përfaqësues të bizneseve private, që morrën pjesë në këtë Panair, u shprehën se zhvillimet globale të javëve të fundit kanë krijuar një klimë të favorshme për tregun shqiptar të punës, pasi një pjesë e bizneseve po kërkojnë të tërhiqen nga vendet në konflikt, për t’u vendosur në Shqipëri. Kjo situatë, sipas tyre, kërkon vemendje më të madhe, si nga vetë biznesi, ashtu edhe pushteti qendror dhe ai vendor, për të vepruar me shpejtësi për afrimin e tyre.