Policia italiane tha se bllokoi një ton e gjysëm marijuanë në zonën e Termolit në Itali, e cila ishte transportuar nga brigjet shqiptare.
Sipas burimeve zyrtare policore, dy skafistë shqiptarë janë vënë në pranga gjatë operacionit të rojës bregdetare italiane. Edhe në Shqipëri Policia e Vlorës tha se bllokoi në një zonë rurale 21 thasë të mbushur me bimë narkotike me peshë totale rreth 210 kilogramë marijuanë.
Sipas policisë së Vlorës, lënda narkotike u gjet e hedhur në ujë në shtratin e Lumit Shushicë. Një tjetër sasi marijuane u zbulua edhe nga policia e Fierit.
Sipas të dhënave policore shqiptare trafiku i marijuanës vijon të mbetet i lartë.
Ndërkohë, të dhënat policore flasin për këtë vit për një rënie të rasteve të kultivimit.