Afganistani do të ngrejë një gjykatë speciale për të dëgjuar ankesat për manipulim të ngritura në lidhje me zgjedhjet e diskutueshme parlamentare.
Një këshilltar tha sot se Presidenti Hamid Karzai ka miratuar një kërkesë të Gjykatës së Lartë për të ngritur gjykatën me 5 anëtarë.
Zoti Karzai ka premtuar të mbledhë një parlament të ri më 20 janar, më shumë se 4 muaj pas zgjedhjeve të 18 shtatorit.
Rezultatet përfundimtare për Dhomën e Ulët me 249 vende nuk u njoftuan deri më 1 dhjetor.
Zyrtarët e zgjedhjeve e vonuan publikimin e rezultateve deri në rishikimin e afro 5000 ankesave për manipulime, përfshirë vjedhje votash dhe frikësimin e votuesve nga krerë fisesh lokale.
Komisioni Qendror i Zgjedhjeve skualifikoi afro 1 të katërtën e votave dhe 24 nga kandidatët fitues.
Në bazë të rezultateve, pritet që zoti Karzai të ketë më pak mbështetje në këtë parlament krahasuar me të mëparshmin.