Zyrtarë të Aleancës për Ardhmërinë e Kosovës e kanë cilësuar të pakuptimtë vendimin e Gjykatës Ndërkombëtare për krime lufte në hapësirat e ish Jugosllavisë, e cila ka vendosur që rigjykimi i ish kryeministrit të Kosovës Ramush Haradinaj të fillojë më 17 gusht. Anëtari i Kryesisë së Aleancës për Ardhmërinë e Kosovës, Besnik Tahiri, në një bisedë për Zërin e Amerikës thotë se ndaj Ramush Haradinaj është duke u bërë një padrejtësi e madhe për vonesat që po bëhen në këtë proces.