Trupat izraelite vranë sot një ekstremist palestinez të kërkuar, ndërsa kryenin bastisje në një fshat pranë qytetit Jenin të Bregut Perëndimor. I vrari është Ghasal Frihet, anëtar i Brigadave të Martirëve Al Aqsa.
Rrethanat e vrasjes nuk janë sqaruar ende. Familja e ekstremistit thotë se trupat izraelite hynë në shtëpi, e arrestuan atë, pastaj e qëlluan jashtë shtëpisë, pas pak minutash.
Zyrtarë izraelitë thonë se ekstremisti kishte vrapur kur po i afroheshin ushtarët dhe se ishte vrarë vetëm pasi nuk kishte dëgjuar të ndalonte pas të shtënave paralajmëruese.