Ish-nënkryetari i Partisë Demokratike Shqiptare në Maqedoni Imer Selmani, i cili u largua nga kjo forcë politike opozitare për të formuar një parti të re, thotë se do të angazhohet për t'u dhënë fund përçarjeve brenda shqiptarëve në Maqedoni dhe për vendosjen e unitetit mes tyre. Në një intervistë për Zërin e Amerikës, zoti Selmani thekson se në PDSH-së i mungonin vlerat e mirëfillta përparimtare dhe demokracia. Ai thotë se për një kohë shumë të shkurtër do ta themelojë partinë e re.