Ditari - Shqipëri, votimi nga jashtë; nis regjistrimi i zgjedhësve

Në Shqipëri, u hap sot procesi i regjistrimit të votuesve nga jashtë, i cili për herë të parë i jep mundësinë shqiptarëve, kudo që jetojnë, të marrin pjesë në zgjedhjet parlamentare të 11 majit. Regjistrimi mbyllet më 4 mars. Vëzhguesit në Kosovë parashikojnë një fushatë të ashpër zgjedhore e cila nisi sot zyrtarisht. Zëvendëssekretari amerikan i Shtetit për Menaxhim dhe Burime, Richard R. Verma, tha sot në Beograd se sanksionet amerikane kundër Industrisë së Naftës së Serbisë, kanë si objektiv Rusinë dhe jo Serbinë.