Gjykatësja federale në çështjen e zotit Trump, ku akuzohet për përpjekje për të përmbysur rezulatin e zgjedhjeve të vitit 2020, ka urdhëruar avokatët e tij dhe prokurorët federalë që të paraqiten në gjykatë të premten për një seancë dëgjimore lidhur me përcaktimin se si mund të përdoren dhe ndahen të dhënat e çështjes në fjalë.
Lexoni edhe këtë Prokurorët kërkojnë mbrojtjen e të dhënave të çështjes ndaj zotit Trump, pas një postimi të tij në Truth SocialGjykatësja Tanya Chutkan vendosi që seanca të zhvillohej të premten në orën 10 të mëngjesit, menjëherë pas përplasjeve midis palës mbrojtëse dhe prokurorëve lidhur me datën e caktimit të seancës.
Lexoni edhe këtë Shtohet zërat për transmetim televiziv të gjyqit ndaj ish Presidentit Trump
Avokatët e zotit Trump kishin kërkuar shtyrjen e seancës deri në fillim të javës së ardhshme, ndërsa akuza tha se ishte e gatshme gjatë gjithë javës.
Lexoni edhe këtë Çështjet penale të zotit Trump -Çfarë do të ndodhë më pas?Seanca e së premtes vjen pasi ekipi mbrojtës i zotit Trump kundërshtoi të hënën një kërkesë nga prokurorët, që gjykatësja Chutkan të nxjerrë një urdhër për të siguruar që provat konfidenciale të mos bëhen publike nga zoti Trump, duke sugjeruar se ai mund ta përdorte informacionin për të frikësuar dëshmitarët.
Zoti Trump ka thënë se është i pafajshëm dhe i ka quajtur akuzat të motivuara politikisht.
Lexoni edhe këtë Ish-Presidenti Trump, deklaroi të jetë i pafajshëm për katër akuzat penale për të përmbysur rezultatet e zgjedhjeveAvokatët e zotit Trump thanë se kufizimet do të cenonin të drejtën e tij për lirinë e fjalës, e mbrojtur nga Amendamenti i Parë i Kushtetutës së Shteteve të Bashkuara.
Zoti Trump nuk pritet të jetë i pranishëm në sallën e gjyqit të premten.