Dy kandidatët që kanë mbetur në garë për postin e kryetarit të Partisë Konservatore britanike janë ish-shefi i Thesarit, Rishi Sunak dhe Sekretarja e Jashtme, Liz Truss.
Sekretarja e Jashtme britanike, Liz Truss
Ish shefi i Thesarit, Rishi Sunak
Votimi i fundit nga ligjvënësit konservatorë eleminoi nga gara Ministren e Tregtisë Penny Mordaunt.
Drejtuesi i ri konservator do të marrë automatikisht edhe postin e kryeministrit të vendit. Kryeministri i dorëhequr, Boris Johnson, humbi përkrahjen e ligjvënësve konservatorë në fillim të korrikut.
Zgjedhja e kryetarit të ri të Partisë Konservatore fillimisht kalon përmes disa raundesh eliminimi, ku të drejtë vote kanë vetëm deputetët konservatorë. Kur gara arrin në vetëm dy kandidatë, votimi përfundimtar që përcakton fituesin bëhet nga 200 mijë anëtarët që ka kjo parti në tërë vendin.
Lexoni edhe këtë Si mund ta ndryshojnë udhëheqësin e tyre konservatorët britanikVotimi do të mbyllet më 2 shtator dhe rezultatet do të shpallen tre ditë më vonë, thonë zyrtarët konservatorë.