Ditari - Intensifikohen luftimet në Ukrainën lindore

Forcat ruse po “përqendrojnë përpjekjet e tyre kryesore” në qytetet e Lisiçanskut dhe Verkhnokamjankës, në rajonin e Donetskut, tha të dielën zëdhënësi i ushtrisë ukrainase. Presidenti i Maqedonisë së Veriut, Stevo Pendarovski mbledh Këshillin e Sigurisë Kombëtare për të diskutuar mbi atë që njihet si ‘propozimi francez’ për zgjidhjen e mosmarrëveshjeve me Bullgarinë që do t’i hapte rrugë integrimit të Maqedonisë së Veriut në Bashkimin Evropian. Në Shqipëri, rritja e ndjeshme e çmimeve të ushqimeve e ka përkeqësuar situatën për mijëra familje me të ardhura të pakta. Qarku i Gjirokastrës është nga më të prekurit.