Drejtoresha e zyrës për çështje të Evropës Jugore dhe Qendrore në Departamentin amerikan të Shtetit, Susan Falatko u bëri thirrje sot Kosovës e Serbisë që të largojnë pengesat për vazhdimin e bisedimeve dhe të shmangin shtimin e tensioneve ndërmjet tyre. Ajo i bëri këto komente në një konferencë në Prishtinë, duke nënvizuar se Shtetet e Bashkuara e kanë bërë të qartë me pasion dhe me këmbëngulje, se tani është një mundësi historike për t’u arritur marrëveshje ndërmjet Kosovës e Serbisë në bazë të njohjes së ndërsjellë. Më hollësisht njofton korrespodenti ynë, Leonat Shehu.