Kriza politike në Shqipëri nga këndvështrimi i analistëve

Në Tiranë opozita po vazhdon protestat për zgjedhje të parakohshme dhe dorëheqjen e kryeministrit socialist Edi Rama. Analistë dhe studiues të jetës politike vlerësojnë se dialogu mes forcave politike ende është larg, por është e vetmja mënyrë për të zgjidhur krizën politike. Ata mendojnë se kryetarët e dy partive të mëdha, Edi Rama dhe Lulzim Basha e kanë të vështirë të takohen, sepse rrezikojnë karrierën e vet politike.