Në Kosovë zyrtarë të qeverisë thonë se do të veprojnë për vendosjen e autoritetit në veriun e banuar me shumicë serbe, por vetëm në bashkërendim me mekanizmat ndërkombëtarë. Zyrtarët serbë ndërkaq, thonë se Prishtina nuk mund t’ua imponojë serbëve të veriut institucionet e saj. Veriu i Kosovës vazhdon të jetë jashtë kontrollit të Prishtinës, ndërsa diskutimet rreth tij kanë riaktivizuar edhe idenë për ndarjen e Kosovës. Autoritetet në Prishtinë thonë se logjika e ndarjeve nuk do të përfundonte vetëm me Kosovën.