Në Shqipëri vazhdon odiseja e rezultatit për kryetarin e bashkisë së Tiranës. Sot pasdite përfundoi edhe rivlerësimi i fletëve të kontestuara, i kërkuar nga partia demokratike. Në përfundim u vlerësuan si të vlefshme 16 vota për kandidatin socialist Edi Rama dhe 13 për atë demokrat Lulëzim Basha dhe nesër pritet që komisioni qëndror të marrë vendim nëse ato do të përfshihen ose jo në rezultatin përfundimtar, ndërkohë që pas dy ditësh kolegji zgjedhor do të shqyrtojë ankesën e socialistëve të cilët kanë vlerësuar si të jashtëligjshem vendimin e Komisionit për rinumërimin e fletëve të hedhura në kutitë e gabuara.
